У Заслаўскай дзіцячай школе мастацтваў адбылася творчая сустрэча з паэтам, празаікам і кампазітарам Дзмітрыем Пятровічам «Горад майго сэрца»

Мерапрыемства, прысвечанае прэзентацыі кнігі «Белая Жанчына», арганізавалі выдавецтва «Чатыры чвэрці», Заслаўскі гарвыканкам і Мінскае гарадское аддзяленне Саюза пісьменнікаў Беларусі.

Заслаўе — горад, дзе нарадзіўся Дзмітрый Леанідавіч. Таму вельмі сімвалічна, што са сцэны гучалі многія вершы і песні, прысвечаныя гэтаму гістарычна значнаму гораду Беларусі. Для запрашэння на сцэну сваіх калег па пяры Д. Пятровіч выкарыстаў арыгінальны прыём: кожнага аб’яўляў песняй, напісанай на словы выступоўцы. Падтрымаць творцу і сказаць добрае слова пра новую кнігу прыехалі пісьменнікі Генадзь Пашкоў, Міхась Пазнякоў, Святлана Быкава, Віктар Шніп, Рагнед Малахоўскі, Уладзімір Ермалаеў і Мікола Шабовіч. Радасным падарункам для ўсіх сталіся песні ў выкананні Анатоля Міхальчэнкава. На сцэне выступілі хор і ансамбль скрыпачоў Заслаўскай дзіцячай школы мастацтваў, а таксама вучні Заслаўскай агу льнаадукацыйнай школы. Віншаванні прагучалі і ад прадстаўнікоў мясцовай улады — намесніка старшыні Заслаўскага гарвыканкама Дзяніса Собаля і кіраўніка справамі Заслаўскага гарвыканкама Маргарыты Канавалавай.

Кніга «Белая Жанчына» — шчырая споведзь чалавека, які ганарыцца, што ён беларус. Ганарыцца сваім родным Заслаўем і тым, што ў нас так шмат дзівосных мясцін.

Варта адзначыць сур’ёзную падрыхтоўчую працу, якую супрацоўнікі выдавецтва «Чатыры чвэрці» зрабілі разам зтворцамі, каб мерапрыемства прайшло на высокім узроўні. Заслаўская гарадская бібліятэка і Заслаўская дзіцячая школа мастацтваў атрымалі падарунак ад выдавецтва — новыя кнігі.

Людміла ГАТАВІЦКАЯ

ЛiМ, №4 (4753) ад 24 студзеня 2014 г.

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и абзацы переносятся автоматически.